Cours de paléographie N° 55

Niveau de difficulté : ****

Résiliation d'un bail de métairie (1585).

Guerres de Religion, tremblement de terre et tempête : le résiliation du bail de la métairie de Bretagne, dépendant de l'abbaye Notre-Dame de Déols a pour cause, si l'on en croit les requérants, une succession de faits de guerre et de caprices de la nature.
L'écriture, assez cursive et abrégée, présente des jambages minimalistes, presque aplatis dans les clauses finales. Les nombreuses ratures, les passages en interlignes ou en marge, signalés par des renvois, compliquent la lecture. La connaissance de la structure de ce type d'actes et des formules couramment utilisées dans les actes notariés peut aider à la compréhension de ce texte.

[Page 1]
[1] Aujourd'huy XIIIIe jour de novembre l'an
[2] mil cinq cens quatre vingtz cinq, en la presance
[3] du notaire royal soubz signé et tesmoings soubz
[4] nommez, Cristofle Bonnyn et Pierre Donnain,
[5] son gendre, laboureurs demeurants en la paroisse
[6] de Bretaigne, estans transportés en l'abbaye
[7] de Deols pour y trouver illustre prince
[8] Claude de Lorraine, abbé et prince dudit Deols,
[9] ou messire Crispinian Vigier, son grand
[10] vicaire, ausquelz et à chacun d'eulx
[11] à la personne de frere André
[12] de Vaulx, soubz prieur de ladite abbaye
[13] pour l'absence nottoire dudit sr. Prince
[14] et de sondit grand vicaire, ilz ont declairé
[15] qu'ilz remectent et quicte entre les
[16] mains dudit sr. et de sondit vicaire
[17] le lieu et mestairye de
[18] Bretaigne et ce qui en deppend, comme
[19} deppendant dudit Deols, lequel lieu
[20] ilz ont cy davant detempté a tiltre
[21] d'adcence, d'aultant qu'ilz ne peuvent
[22] a l'advenir l'exercer
[23] pour [l'excessivetté du pris d'icellui et] et la perte qu'ilz y ont faicte
[24] au moyen de ce qu'ilz ne jouissent de
[25] huict mouhees de terre scizes pres la
[26] maison du sr. De Villedonneur, et aussy
[27] de quelque quantité de prez ou il y a
[28] a recueillir dix ou douze chartees de fouin
[29] proches de ladite maison [qui deppendent de ladite mestairye, desquelles terres et prez] ledit
[30] sr. de Villedhonneur jouist par force,
[31] qu'ilz ont faict rellever ung bastimen de ladite
[32] mestairye qui seroit tumbé le jour du
[33] tremblement de terre, le surplus des autres
[34] bastimens estans ruynéz, desmollys et
[35] en tel et sy mauvais estat qu'on n'y peult
[36] resider, [laquelle demollition seraoyt advenue par l'impetuosité] des grandz ventz de la vigille
[37] Sainct Nicolas mil VC quatre vingtz quatre,

[Page 2]
[1] aussy qu'ilz ont souffert et
[2] supporté de grandz pertes
[3] pendant les guerres civilles [qui ont heu cours] en ce roiaulme,
[4] [ayans perdu] quatorze chevaulx emmenez par lesdits gens
[5] de guerre, que oultre ce les auroyent pillez
[6] et ranconnez. Et encores qu'ilz ont heu sur
[7] leurs bras les deulx armees de Suisses
[8] et Françoys qui ont passé par ledit
[9] lieu et la ville de Levroulx par deulx
[10] foys puys la feste Sainct Jehan
[11] Baptiste derniere, et que d'ailleurs
[12] ilz changent chacun an de fermier ou receveurs
[13] du revenu de ladite abbaye, lesquelz [incontinant le terme escheu ont fait saisir leurs bledz et iceulx faict battre, mesmes l'annee presente, les constituans en grandz frays, et]
[14] leur hostant par ce moyen toute
[15] commodité de labourer, semer et
[16] nourryr leur bestial, estans a cause
[17] de ce endettez vers plusieurs personnes
[18] et du tout ruynez ; ont sommé
[19] et requis ledit sr. et sondit grand
[20] vicaire, a la personne dudit de Vaulx,
[21] de les recevoir audit quictement, faisans
[22] protestations de n'estre cy apres
[23] tenuz au payement du prys de
[24] ladite adcence, lequel de Vaulx a declairé que
[25] ledit sr. et son vicaire sont absens de ladite
[26] abbaye et qu'il ne peult pour eulx accepter ledit
[27] quictement ne faire response a icelluy, sinon qu'il se
[28] gardera de mesprandre [...]. Faict en ladite
[29] abbaye en la salle de l'enfermerie lesdits
[30] jour et an devant midi, es presences de frere
[31] Charles Dumont, religieulx de ladite abbaye,
[32] Loys Guinchard, charpentier demeurant audit lieu [...]
[33] [... declarent les tesmoins et Guinchard ne savoir signer ?].
[Signé :] A. DE VAULX. DUMONT. CALLE

Découvrez ici le document en haute définition (P1)
Découvrez ici le document en haute définition (P2)