Cours de paléographie N° 49

Niveau de difficulté : ****

Procuration de l'abbé du Landais pour résigner un office (1573)

Les charges des abbayes se négociaient comme des biens patrimoniaux et nous trouvons trace de leur transmission dans les minutes notariaux. Ici, il s'agit d'une expédition sur parchemin conservée dans le fonds de l'abbaye cistercienne du Landais, près de Levroux (H 253). L'écriture est nerveuse, avec beaucoup d'abréviations et l'ensemble donne l'impression d'un enchevêtrement de boucles, avec des jambages irréguliers (par exemple : en noz mains l. 17), mais l'emploi de nombreuses formules usuelles peut nous aider.

Transcription :

[1] Saichent tous presens et advenir que endroict tant en la court royalle de Chastillon sur Indre que du conté de Busançoys,
[2] par davant nous notaires soubzsignez a esté present personnellement estably et dement soubzmis reverand pere en Dieu maistre
[3] Guillaume de Thiville, abbé de l'abaye du Landoys diossaise de Bourges et soubz prevoust de l'abaye de Deoust1 oud.
[4] diossaise de Bourges, estans de present en sad. abbaye du Landoys, lequel, certain, pourveu et bien conseillé, a créé, constitué,
[5] ordonné et estably ses procureurs generaulx et messaigiers speciaulx honnorables hommes et saiges maistres
[6] Jacques de Sainct Aneau, prebtre [un blanc] ausquelz et chacun d'eulx l'ung seul et pour le tout, ledict
[7] constituant a donné plain povoir, puissance et mandement special pour et en son nom de resigner purement et simplement
[8] entre les mains de notre saint pere le pappe ou collateur presentateur leurs vicaires vicegerans ordinaires
[9] ou extraordinaires ou aultres ayens ad ce povoir sond. office de soubz prevousz en lad. abbaye de Deoust ou nom
[10] et en la faveur de noble et relligieuse personne frere Françoys de Thiville son cousin germain, relligieulx
[11] de l'ordre de Saint Benoist et proffaix en lad. abbaye de Deoust, pour estre pourveu dud. office et non aultre
[12] et en requerir provission et collacion, jurer et afermer en l'ame dud. constituant que en ceste presante
[13] resignacion n'est intervenu aulcunement dol ne fraulde ou fauthe de symonye. Et en ce faisant a
[14] ledict constituant donné puissance a cesd. procureurs ou l'ung d'eulx de requerir et fere ou present negoce
[15] tout ainsy qu'il feront et fere pourront sy presant en sa personne y estoit, ja çoit2 ce que le cas requiere
[16] mandement plus espicial, promectant led. constituant en bonne foy par luy mise et baillée corporellement
[17] en noz mains et soubz l'ipotecque et obligation de tous et chacuns ses biens meubles et immeubles presens et
[18] advenir avoir pour agreable, ferme, stable tout ce que par sesd. procureurs ou l'ung d'eulx sera faict,
[19] dict, procuré des choses susd., leurs circonstances et dependances, dont nous l'avons jugé et condanné en sa
[20] presante et de son consentement et sellé des seaulx desquelz on use aux contraictz desd. cours en tesmoing de verité
[21] le vingt ungiesme jour de may l'an mil cinq cens sixante et treize, es presences et par devant nous noteres soubz-
[22] signez et de noble et relligieuse personne frere René Chollé, enfermyer de lad. abbaye du Landoys
[23] et venerable personne maitre Jehan Legrant, prebtre, curé de Saint Pierre de Lans, tesmoings, ainsi signé en la
[24] minute de ces presentes G. de Thiville abbé du Landoys, f. René Chollé et J. Legrant present
[signé:] A. CHAMBAULT, notere royal, BONOYSEAU, notere ou comté de Busançois

Découvrez ici le document en haute définition (P1)