Cours de paléographie N° 19

Niveau de difficulté : ****

Méobecq, 1er août 1482. Accense par l'abbé Philibert de Marafin et le couvent de Méobecq, lors de leur chapitre général, de l'emplacement d'un étang aux Grands Champs près la chaussée « ès effes de Murssant », au prieur claustral, Pierre de Saint-Laurent, moyennant 2 s. 6 d. de cens annuel payable à la Saint Martin d'été et 4 carpes à chaque pêche.

Acte intéressant par la morphologie des lettres : malgré les habitudes gothiques courantes, l'écriture humanistique, qui s'inspire des manuscrits carolingiens et domine déjà en Italie, apparaît, notamment dans les majuscules (A et M modernes, E gothiques cf. l. 2 et 19, R gothique dans randre l. 14). Dans les minuscules, les S finaux sont modernes. Peu de difficultés de lecture sauf la l. 20 (pliure) et le h peu identifiable de harranter (l. 6).

Transcription :

[1] A tous ceulx qui ces presentes lettres verront Philibert de Marraffin, licencié en decret, par la grace de Dieu humble abbé du monastere
[2] de Sainct Pierre de Meobec, prieur et seigneur de la Cherité sur Loyre et conseiller du roy notre sire, et tout le convent dudit lieu de
[3] Meobec, salut. Savoir faisons que nous tous congregés et assemblez aujourduy en nostre grand chappitre general traitans et decidens
[4] de nos besonnes et negoces, tant des nostres que de cellez de nostred. monastere tant en chief que es membres, uniz par son de
[5] campane, ainsi qu’il est accoustumer de faire, tous d’ung accord sans nul discord ou different, considerans les grans biens, proffilz et
[6] evidente utilité, aussy l’augmentation et accroissement de nostred. monastere, avons baillé, accenser, affermer et perpetuellement harranter et
[7] par ces presentes de la datte d’icestez a tous jamés pour nous et noz sucesseurs abbez et qu’ilz de nous auront cause ou temps advenir,
[8] baillons, affermons, accensons et perpetuellement harrantons a frere Pierre de Sainct Laurent, prieur claustroyer de nostred. monastere
[9] de Meobec, pour luy et ses sucesseurs prieur claustroyers quilz ou temps advenir auront cause de luy, et iceluy prieur ou non que dessus
[10] a prinst, accensé, affermé et perpetuellement harranter de nous ou non que dessus une place d’estang pour faire bastir et construire ung estang,
[11] située et assize es Grans Champs, joignant la chaussée es effes de Murssant et de tous les aultres coustez a noz terres terrajaux,
[12] à jouyr, user, exployter, convertir et amployer les fruys, proffilz et emolumens d’icellez, les ceuillir, prandre, louer et exiger pour luy et
[13] ses sussesseurs prieurs et iceulx convertir a ses usages, moyenant et promiz ce que led. prieur et ses successeurs prieurs seront tenuz et
[14] obligés comme il nous a promiz nous randre, payer, bailler et delivrer pour lad. place a nous et nosd. successeurs tous les ans et
[15] ung chacun an advenir la somme de deulx soulz six deniers tournoiz payablez a nous par le dessusd. prieur ou non et pour la cause dessusd.,
[16] au jour, feste et terme de la Sainct Martin d’esté, ensamble la quantité de quatre carppes a chacune pesche dud. estang tellez qu’ellez
[17] se troveront en iceluy. Laquelle place d’estang luy promettons garentir envers et contre tous au moyen que dessus, ensamble de non
[18] jamais venir ou faire venir par nous ou noz successeurs abbez en l’encontre de cestez ny du contenu en icellez, ains le gardder
[19] et observer ainsi que dessus est dit. En testmoing desquellez choses dessusd. pour plus grand robur, fermetté, corroboration, approbation
[20] et confirmation d’icellez, nous avons miz et apposez noz sceaulx tant de nous que de nostred. convent en icestez, ensamble commander
[21] icellez estre signées par nostre secretaire. Faict et donné en nostred. grand chappitre general celebré aud. lieu de Meobec le
[22] premier jour de augst l’an mil quatre cens quatre vingtz et deulx.
De precepto predictorum dominorum abbatis et conventus.
[signé avec une ruche] BELI