Niveau de difficulté : ****

Hommage de Louis de Mallet, pour sa femme Marie de Crésy, dame des Roches à La Pérouille, à Jean d'Aumont, comte de Châteauroux (26 août 1585).

Ce document analysé par Théodore Hubert dans l'Inventaire sommaire publié en 1876. Il se trouve dans le fonds de Godin, notaire de Bouesse et Cluis-Dessus (seigneurie de la famille de Gaucourt), avec des minutes et des pièces de "dossiers clients", dont plusieurs concernant le fief des Roches à La Pérouille (canton d'Ardentes). Document conservée aux Archives départementales de l'Indre sous la cote 2E 549.

Transcription :

[1] Aujourd’huy lundy vingt sixiesme jour du moys d’aoust l’an mil cinq cens quatre vingtz et cinq
[2] après mydy, en la presance de Jehan Savary, notaire du conté de Chasteauroulx, noble homme Lois
[3] de Mallet, escuier demourant au lieu des Roches en la parroisse de La Peroulhe
[4] s’est transporté au lieu et chastel du Parc appartenant a hault et puissant seigneur monsieur
[5] messire Jehan d’Aulmont, chevallier des deulx ordres du Roy nostre sire, conte de Chasteauroulx
[6] et mareschal de France, pour illec porter et faire a mondict sieur la foy et homaige qu’il
[7]doibt a mondict sieur pour ledict fief et seigneurye des Roches a cause du mariage d’entre
[8] luy et damoiselle Marye de Cresy, son espouze, dame dud. lieu des Roches, et illec estant, arryvé au davant de la grand
[9] porthe et principalle entrée dudict chastel, et ayant ledict Mallet rabatté a ladicte porthe
[10] est conparu Denis Sapiens, consierge des prisons du chastel de mondict sieur, auquel ledict
[11] (ledict) de Mallet a demandé sy mond. sieur estoict audict lieu et chastel et s’il y avoict personnes qui
[12] eussent charge de mond. sieur de recepvoyr les foy et homaige a luy dues, et que il estoict venu aud. lieu pour
[13] porter et faire a mondict sieur la foy et homaige qu’il luy doibt pour ledct fief des Roches a cause
[14] du mariage d’entre luy et ladite de Cresy sa femme, dame dud. lieu des Roches, lequel Sapiens a dict et faict response aud.
[15] de Mallet que mondict sieur n’est au pays et n’y est venu y a quatre ans au moings que ledict
[16] Sapiens ayent icelluy veu et qu’il ne sachent personne qui ayent charge de mond. sieur de recepvoyr lesd. foy
[17] et homaige. Veue laquelle response, led. de Mallet, escuier, ayant hosté son espée de son costé et ses
[18] esperons des piedz, ayant le genoul en terre, a baisé le verroul et courral de ladicte grand
[19] porte dudict chastel, a faict et porté a mondict sieur la foy et homaige qu’il doibt a mondict sieur a cause du
[20] mariage d’entre luy et ladicte de Cresy sadicte femme, dame dud. lieu des Roches, pour ledict fief et seigneurye des Roches et declairé
[21] audict Sapiens consierge susd. qu’il laisse led. fief ouvert pour le rachapt deub a cause dudict mariage pour
[22] en faire par mondict sieur comme bon luy semblera ; et de tout ce que dessus m’a ledict de Mallet requis acte pour
[23] luy servir ce que de raison. Faict lesd. jour et an, presans Estienne Faigneau, clerc a Chateauroux, et Jehan Marcault,
[24] du pais de Merigny en Pouetou et estant de present a Chateauroulx, tesmoing led. Marcault a dict ne savoyr signer,
[25] ainsy signé Loys de Mallet, Sapiens et Faigneau et dud. jour.
[signé] SAVARY